Во рамките на програмата ЕРАЗМУС +акциите КА210 – , Мали партнерства во образованието на возрасните, Центарот за развој на Јабланичко – Пчињскиот регион  и Занаетчиската комора на Скопје го спроведуваат проектот Зелен бран – Партнерство за позеленување на бизнисот.

Целта на проектот е да се поддржи развојот на зелените вештини на малите и средни претпријатија и претприемачи. Како дел од проектот ќе се унапредат знаењата и вештините на давателите на услуги до малите и средни претпријатија и претприемачи, ќе се подготви и пилотира методологијата на програмите за позеленување на бизнисите наменети за малите и средни претпријатија и зелената транзиција на малите и средни претпријатија, претприемачите и социјално-економските партнери ќе се охрабрат преку размена на најдобри практики и искуства. Се очекува проектот да резултира со подобрени компетенции на давателите на услуги кон малите и средни претпријатија и претприемачи во областа на позеленувањето на бизнисот, зголемени практични зелени вештини на сопствениците и вработените во малите и средни претпријатија и дека најдобрите зелени практики во позеленувањето на претпријатијата ќе биде промовирани и дистрибуирани до сите заинтересирани страни во Република Србија и Република Северна Македонија.

Проектот започна со реализација на 01.04. 2024 година, а проектните партнери ја организираа првата консултативна работна сесија на 2 април 2024 година во Лесковац во просториите на Центарот за развој Јабланичко – Пчињскиот регион. На состанокот, меѓу другото, назначените членови на проектниот тим го дефинираа планот за работа за првиот квартал од реализацијата на проектот. Времетраењето на проектот е 18 месеци.